Kylian Mbappe sërish jashtë skuadrës së Monacos

09:16 | 18 Gusht 2017
Arbresh Info

Sulmuesi i ri Kylian Mbappe është harruar nga skuadra e Monacos për udhëtimin te Metz për ndeshjen e klubit në Liga 1 të nesërmen në mbrëmje.

Kjo është hera e dytë brenda javës që adoleshenti sensacional Mbappe lihet jashtë skuadrës startuese të Monacos për ndeshjet në Liga 1, pasi sulmuesi ishte në bankinë edhe gjatë fitores së skuadrës së tij 4 me 1 ndaj Dijonit në vikend, transmeton portali arbresh.info.

Megjithatë, të qenurit në bankinë kishte një tjetër kuptim, por të qenurit plotësisht jashtë skuadrës së trajnerit Leonardo Jardimit duket diçka plotësisht ndryshe.

Pas sezonit të shkëlqyer te Monaco vitin e kaluar, Mbappe është kërkuar për transferim thuajse nga çdo klub i madh në Evropë Ligë.

Derisa Real Madridi, Arsenali dhe Manchester City janë parë si klubet favorite për nënshkrimin e tij në këtë merkato, Paris Saint Germain kryeson listën pasi është e gatshme të ofrojë 180 milionë për reprezentuesin francez./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm