Kulla e Bashor Pren Gegaj, e njohur si “Kulla e Bashoreve”, është kullë e vjetër që nga mesi i shekullit XIX. Ka shërbyer si shtëpi banimi për rreth 102 anëtarë të familjes Gegaj. Po ashtu ka shërbyer si strehimore për shumë të përndjekur politik nga okupatori jugosllav në vitet e ’50-ta.
Sot anëtarët e familjes Gegaj janë rreth 300 anëtarë me rreth 45 shtëpi dhe jetojnë në fshatin Gurakoc të Komunës së Istogut.
Në këtë kullë ka qenë në vizitë si nënkryetar i PDK-së, Rexhep Hoti dhe kryetarja e gruas së PDK-së, Justina Shiroka-Pula.
Në këtë takim shumë të ngrohtë, është folur për kullën dhe mirëmbajtjen e saj. Hoti ka premtuar se në Qeverinë e ardhme do të merren të gjitha masat që ky monument kulturor do të ketë mbështetje financiare nga shteti, si objekt me rëndësi të veçantë të trashëgimisë kulturore.
Nënkryetari i PDK-së, Rexhep Hoti u ka premtuar familjarëve se ky objekt me rëndësi të veçantë do të rinovohet në tërësi.
“Kulla e Bashoreve”, ka një arkitekturë të veçantë, e ndërtuar me kombinimin gurë, tjegulla dhe drunj./arbresh.info/
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...
Plagoset një person në Mitrovicë