LDK propozon zgjedhje të reja

15:08 | 15 Gusht 2017
arbresh.info

Nënkryetari i Lidhjes Demokratike të Kosovës, Lutfi Haziri, thotë se alternativa më e qëndrueshme për të zgjidhur ngërçin politik janë zgjedhjet e reja nacionale.

Në një prononcim për Portalin 2LONLINE, është shprehur hapur se nuk po sheh zgjidhje të qëndrueshme që do të ofronte njëherë e mirë zgjidhje por edhe stabilitet, prandaj ai e sheh mundësinë e daljes nga kjo situatë, përmes zgjedhjeve të reja nacionale.

“Opsioni i zgjedhjeve të reja është opsioni më i qëndrueshëm për mua” , ka thënë Haziri, transmeton arbresh.info.

Të mërkurën, partitë politike do të mblidhen në një tryezë për konsultim rreth vazhdimit të seancës konstituive e cila vazhdon të mbahet peng i mos pajtimeve ndërmjet subjekteve politike.

Vazhdimi i kësaj seance do të mundësonte procedimin më tutje të zgjedhjes së kryetarit të Kuvendit dhe nënkryetarëve, rrjedhimisht do t’i hapte rrugë edhe caktimit të mandatarit për të qeverisur  me vendin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm