Google ADS

Kurteshi: PAN-i po e bllokon Kosovën që të blejë kohë për vete

18:40 | 14 Gusht 2017
Arbresh.info

Deputeti i Lëvizjes Vetëvendosje, Ismajl Kurteshi, ka thënë në Info Magazine të Klan Kosovës se koalicioni i Partisë Demokratike të Kosovës, Aleancës për Ardhmërinë e Kosovës dhe Nismës për Kosovën, nuk po merr pjesë në seancën konstituive në Parlament, për shkak se po do të blejë kohë në mënyrë që të bindë ndonjë deputet t’u bashkohet për ta formuar qeverinë.

“PAN-i vetëm po do të blejë kohë me qëllim që ta bindin ndonjë deputet t’u bashkohet”, ka thënë Kurtishi, njofton Klan Kosova.

Sipas Kurteshit, “PAN-i po mundohet ta mbajë pengë tërë vendin me 39 deputetë”.

Ai ka thënë edhe se Kosovës nuk i nevojitet një qeveri nën ndikimin e Listës Serbe që është nën direktivat e Beogradit.

“Beogradi ka synim ta pengojë zhvillimin e Kosovës dhe deputetët e Listës Serbe janë drejtpërdrejtë nën ndikimin e Beogradit, ndaj një qeveri e tillë nuk i bën hajër Kosovës”.

Shpërndaje në rrjete sociale

Lajmet më të lexuara

Të ngjashme

Foto lajm