Google ADS

Emocionet nuk kanë fund: Kam qarë në fund të ndeshjes (FOTO)

09:52 | 14 Gusht 2017
Arbresh.info

Ciro Immobile ka pranuar se ka qarë pas fishkëllimës përfundimtare në ndeshjen dramatike ndërmjet Juventusit dhe Lazios.

Biancocelestët fituan me rezultat 3-2 kundër Bianconerëve në ndeshjen e Superkupës së Italisë që pati një përfundim interesant, pasi Paulo Dybala e barazoi rezultatin në fund, por ekipi kryeqytetas reagoi shpejt për ta shënuar golin e fitores.

“E kam të vështirë që t’i mbaj emocionet. Qava në fund të ndeshjes, sepse kjo skuadër dha absolutisht gjithçka dhe tifozët e merituan këtë trofe”.

“Stafi dhe trajneri kanë punuar shumë që të na përgatisin për këtë ndeshje dhe ne e intepretuam për mrekulli. Ishte një paraqitje e jashtëzakonshme nga të gjithë”, ka deklaruar Immobile për Lazio Style Radio.

Immobile i shënoi dy gola në këtë ndeshje duke i ndihmuar skuadrës së tij për fitore.

Immobile: Qava në fund të ndeshjes

Shpërndaje në rrjete sociale

Lajmet më të lexuara

Të ngjashme

Foto lajm