Policia e Kosovës ka bërë të ditur se ka marrë masa shtesë me qëllim të ngritjes së nivelit të sigurisë dhe parandalimit të aksidenteve të trafikut, të cilat kohët e fundit kanë shënuar ngritje.
Në një komunikatë për media thuhet se Policia e Kosovës ka krijuar Task-forcën përmes së cilës është shtuar prezenca e policisë në rrugë, duke aplikuar masën zero-tolerancë ndaj kundërvajtësve në trafik, krejt kjo me qëllim të uljes së numrit të aksidenteve.
Aplikimi i masës zero-tolerancë ndaj kundërvajtësve në trafik, sipas Policisë së Kosovës, ka shtuar numrin e shqiptimit të gjobave ku vetëm në 24 orët e fundit janë shqiptuar 2218 gjoba për kundërvajtje të ndryshme, përfshirë edhe për tejkalimin e shpejtësisë që është njëri prej shkaktarëve kyç të aksidenteve me pasoja fatale.
Policia e Kosovës zotohet se Task forca e formuar do të vazhdojë me angazhimet e saja në terren deri në arritjen e qëllimit dhe objektivave për përmirësimin e sigurisë në trafik dhe parandalimin e aksidenteve.
Sikurse edhe më parë, Policia e Kosovës vazhdon t’u bëjë thirrje të gjithë pjesëmarrësve në trafik e posaçërisht shoferëve të automjeteve, që të respektojnë shenjat e trafikut, t’u përshtaten kushteve të rrugës dhe shpejtësisë së lejuar, në mënyrë që të gjithë së bashku të kontribuojmë për një siguri më të madhe në trafik.
Bejta sjell këngën e re “Alo”
Veçoritë e para të Apple Intelligence pritet të mbërrijnë më...
Kosova mikpritëse, KFOR marshoi me mbi 800 ushtarë për ”DANC...
Refuzojnë të ndryshojnë, këto janë shenjat më kokëforta të z...
Pasojat e uraganit Helene, shkon në 227 numri i të vdekurve
U godit me një shishe qelqi në oborrin e tij, humb jetën 65-...