Google ADS

Shpërthen bombola e gazit në Gjirokastër, plagoset e mitura

17:05 | 11 Gusht 2017
Arbresh.info

Një vajzë e vogël ka mbetur e plagosur si pasojë e shpërthimit të një bombole gazi.

Ngjarja e rëndë ka ndodhur ditën e djeshme në fshatin Zhapokikë, në banesën e shtetasit A.C., 35 vjeç.

Nga burimet policore bëhet e ditur se dyshohet që bombola e gazit ka shpërthyer aksidentalisht, ku për pasojë ka marrë djegie të lehta në trup vajza e mitur 7 vjeç, si dhe janë djegur disa pajisje shtëpiake.

E dëmtuara u dërgua në spitalin rajonal të qytetit për marrjen e ndihmës së nevojshme mjekësore, ku fatmirësisht ndodhet jashtë rrezikut për jetën.

Lidhur me këtë rast, materialet i kaluan Prokurorisë Rrethit Gjyqësor Gjirokastër, për ngjarje aksidentale.

Shpërndaje në rrjete sociale

Lajmet më të lexuara

Të ngjashme

Foto lajm