Shkupjanët mashtrojnë kosovarin se do t’i sigurojnë falje dënimi nga presidenti për 8 mijë euro

09:09 | 1 Gusht 2017
Arbresh.info

Dy shkupjanë kanë marrë padi penale për mashtrime, pasi kanë gënjyer një shtetas të Kosovës i cili ka qenë në burgun e Maqedonisë, se do t’i sigurojnë falje nga presidenti i shtetit, Gjorge Ivanov, në këmbim të 8 mijë eurove, përcjell Telegrafi Maqedoni.

Policia ka ngritur padi penale kundër A.T (37) dhe Z.P (46) dhe i ngarkon se prej muajit maj 2014 deri në mars të 2015 kosovarin e kanë mashtruar se do t’i sigurojnë falje të dënimit të tij të mbetur.

Pasi ia ka marrë paratë, A.T shtetasit të Kosovës i ka kthyer vendime të falsifikuara për falje dhe dokumente tjera, me pretendime se janë të nënshkruara nga presidenti.

Ndryshe, presidenti i Maqedonisë Gjorge Ivanov, me rastin e festës kombëtare maqedonase “Ilinden” do të fal 58 persona, mes të cilëve edhe të dënuar për vrasje dhe mashtrime.

Shpërndaje në rrjete sociale

Lajmet më të lexuara

Të ngjashme

Foto lajm