Sot ishte afati i fundit për regjistrim të deputetëve në Kuvendin e Kosovës ndërkohë që disa deputetë ende nuk janë regjistruar.
Kjo ka bërë që Kuvendi i Kosovës të shtyjë afatin për regjistrim duke e vazhduar atë edhe gjatë ditës së hënë, shkruan arbresh.info.
Nga lëvizja Vetëvendosje nuk janë regjistruar ende Albin Kurti, Shqipe Pantina, Liburn Aliu dhe Faton Topalli.
Zëdhënësi i VV-së, Shkodran Hoti ka thënë përmes një statusi në Facebook se afati i caktuar për regjistrim nuk ka pengesa për pjesëmarrje të deputetit në seancë konstituive.
Lexoni të plotë postimin e tij:
Regjistrimi i deputetit nuk është i paraparë me dispozitat e Kushtetutës së Republikës së Kosovës dhe as me dispozitat e Rregullores së Kuvendit.
Regjistrimi i deputetit është një veprim administrativ për plotësimin e dokumentacionit të nevojshëm për administratën e Kuvendit ku përfshihen: kopja e kartelës bankare, kopja e letërnjoftimit, adresa e vendbanimit dhe CV’ja.
Këto dokumente mund të dorëzohen në Administratën e Kuvendit në çdo kohë të përshatshme për deputetin.
Regjistrimi i deputetit nga administrata e Kuvendit para seancës konstituive bëhet me qëllim të lehtësimit teknik (regjistrimi në holl të kuvendit).
Deputetët z. Albin Kurti, z. Liburn Aliu, znj. Shqipe Pantina dhe z. Faton Topalli do ta bëjnë regjistrimin e nevojshëm javën e ardhshme para seancës konstituive dhe kjo nuk paraqet asnjë pengesë procedurale.
Andaj lëshimi i afatit të caktuar nga Kryesia e Kuvendit për regjistrimin e deputetit, nuk ka pengesa për pjesëmarrje të deputetit në seancën konstituive të Kuvendit./Arbresh.info.
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...
Plagoset një person në Mitrovicë
Trump: Zgjedhjet në SHBA, ndër më të rëndësishmet në histori...