Vështirë se do të ketë më një si Gianluiggi Buffon, jo vetëm Italia por e gjithë bota do ta qajë largimin e tij nga futbolli.
Portieri italian, ka vendosur që në fund të stinorit do t’i japë fund karrierës së tij të pasur.
Buffon ka konfirmuar që ky mund të jetë stinori i tij i fundit që do të qëndrojë në portë.
“Ky mund të jetë sezoni im i fundit dhe me të vërtetë elektrizues. Dua të provoj dhe të kënaqem me aspektin e veçantë të gjërave, si me të gjitha përvojat. Kur shkoni në një vend dhe mendoni se është hera e fundit, e vlerësoni më shumë bukurinë dhe doni të mbani mend emocionet që ju sjell, përgjithmonë”.
“Do të jetë i veçantë si sezon, por unë dua ta bëj edhe më të frikshëm, duke dëshmuar në maksimum aftësitë e mia, gjë që mund ta ndihmojë Juventusin të përsërisë arritjet që kemi bërë në të kaluarën”.
I vetmi trofe që i mungon legjendës italiane është ai i Ligës së Kampionëve, por atë nuk e shqetëson ky fakt.
“Nuk më jep ankth, apo më shqetëson që nuk e kam fituar Ligën e Kampionëve. Nuk kam pasur kurrë një domethënie negative, jo as tani”.
“Liga e Kampioneve gjithmonë ka qenë një motivim për t’u përmirësuar dhe shijuar disa emocione, si përballja me disa lojtarë në stadiume të caktuara”, u shpreh Buffon.
Reprezentuesi italian iu bashkua Juventusit nga skuadra e Parmës.
Ushtarët e ri të FSK-së, Ministria e Mbrojtjes tregon se si ...
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...