Xhavit Panxha është njëri ndër tre të arrestuarit e sotëm në Kosuriq të Pejës për vrasjen e dyfishtë të vëllezërve Berisha që ndodhi pasmesnate në njërin prej maleve të këtij fshati.
Burimet e Indeksonline brenda policisë së Kosovës kanë treguar se Xhaviti është pronar i malit ku edhe ka ndodhur krimi dhe se rasti po hetohet nëse ka të bëjë për vjedhje pylli apo ndonjë motiv tjetër.
Prokurori i Shtetit ka urdhëruar që i dyshuari Panxha të dërgohet në qendrën e mbajtjes për 48 orë dhe më pas i njëjti do të dal para Gjykatës ku do të merret një vendim i ri për të.
Policia e Kosovës sot ka raportuar se Ramiz Berisha (1989) dhe Arsim Berisha (1986) u gjeten të vrarë në një mal në Kosuriq të Pejës dhe se vdekjen e tyre e ka konstatuar mjeku i cili kishte dalë në vendin e krimit.
“Hetuesit policor të Njësitit rajonal të hetimeve DRP Pejë, pas një pune intensive operativo- hetimore kanë identifikuar, shoqëruar dhe më pas arrestuar tre (3) personat e dyshuar te mundshëm të veprës së Vrasjes, të cilët me vendim të prokurorit shtetit u caktohet masa e ndalimit 48 orësh për të vazhduar me procedura të mëtejme ligjore. Po ashtu është arrestuar edhe një person tjetër për veprën e Vjedhjes së pyllit”, thyhet në njoftimin për media të Policisë së Pejës./
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban