Google ADS

Pentagoni: Lideri i ISIS-it al-Baghdadi mund të jetë gjallë

23:06 | 21 Korrik 2017
Trina Galanxhi

Shefi i Pentagonit, Jim Mattis ka deklaruar se ai beson se lideri i ISIS-it, Abu Bakr al-Baghdadi është ende gjallë.

“Unë mendoj se Baghdadi është gjallë…dhe unë do të besoj ndryshe vetëm kur të kemi informacion të saktë se e kemi vrarë atë”, tha Mattis para gazetarëve, transmeton portali arbresh.info

“Ne jemi duke e përcjell me vëmendje situatën, por ende besojmë se ai është gjallë”, ka shtuar ai.

Gjatë muajve të fundit nëpër mediat ndërkombëtare ka qarkulluar lajmi se lideri i Shtetit Islamik është vrarë.

Observatori Sirian për të Drejtat e Njeriut me bazë në Britani, që monitoron konfliktin për një kohë të gjatë, gjatë javës së kaluar ka deklaruar se ka dëgjuar nga udhëheqësit e lartë të ISIS-it në provincën Deir Ezzor, Siri, se Baghdadi ka vdekur.

Lideri i ISIS-it nuk është shfaqur publikisht që nga viti 2014 në Xhaminë e Madhe të Al-Nurit në Mosul, i cili u shkatërrua në betejën për qytetin e dytë të Irakut./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm