Një 42-vjeçar shqiptar, në kërkim ndërkombëtar për një vrasje të ndodhur vite më parë në Shqipëri, raportohet se është arrestuar nga policia greke.
Shqiptari, identiteti i të cilit nuk bëhet i ditur, jetonte në një fshat në ishullin grek Evias, dhe historia e tij ka befasuar banorët vendas, raportojnë mediat lokale. Kjo, pasi askush nuk kishte dyshime për të, duke qenë se bënte një jetë të qetë në ishull prej 9 vitesh, bashkë me gruan dhe dy vajzat e mitura.
Krimi për të cilin u arrestua këtë të martë ka ndodhur para 16 vitesh në Shqipëri. 42-vjeçari u vu në pranga pasi gjatë një kontrolli të rastësishëm nga policia helene, u zbulua se ndaj tij rëndonte një urdhër-arresti, lëshuar nga autoritet shqiptare.
Siç raporton “Lamiareport”, vrasja e kryer nga shqiptari ka ndodhur në vitin 2001 dhe 42-vjeçari është dënuar në 2004-ën me 16 vite burgim për vrasje me paramendim dhe armëmbajtje pa leje.
Sipas të njëjtit burim, ai ka vrarë një person si hakmarrje për përdhunim e së motrës.
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...
Certifikohen zyrtarët policorë nga Kosova dhe Shqipëria në “...
Ushtarët e ri të FSK-së, Ministria e Mbrojtjes tregon se si ...