Ish kampioni i boksit për pesha të mesme, Jermain Taylor është arrestuar në Arkansas të martën pasi ka goditur në fytyrë dhe në krah një grua derisa thuhet se edhe e ka kërcënuar me vrasje.

38-vjeçari është arrestuar në Maummelle rreth orës 3 në mëngjesin e së martës, kur autoritetet lokale iu përgjigjen një thirrje për shqetësim familjar, raporton ‘AP’, transmeton portali arbresh.info.

Viktima pretendon që Taylor e ka goditur atë në fytyrë dhe në krahun e saj të majtë kur ajo është përpjekur për tu larguar nga shtëpia.

Ish boksieri profesionist është liruar në të njëjtën ditë, megjithatë, të dhënat e gjykatës tregojnë që asnjë akuzë nuk është bërë ndaj tij.

Meçi i tij i fundit profesional ishte ai më 10 tetor të vitit 2014 kundër Sam Solimanit të Australisë ku regjistroi fitore me vendim unanim./arbresh.info

https://twitter.com/FOX16News/status/887334744517726209?ref_src=twsrc%5Etfw&ref_url=https%3A%2F%2Fwww.rt.com%2Fsport%2F396842-jermain-taylor-arrested-biting%2F%3Futm_source%3Drss%26utm_medium%3Drss%26utm_campaign%3DRSS