Google ADS

Suedi, makina ‘shtyp’ këmbësorët

22:17 | 18 Korrik 2017
Trina Galanxhi

Panik i madh është shkaktuar sot në Ullared, Suedi, pasi një makinë është përplasur me këmbësorët jashtë një qendër tregtare.

Blerësit janë shpërndarë menjëherë dhe kanë pohuar se makina ka goditur dy persona, transmeton portali arbresh.info

Raportohet për dy persona të lënduar, por që nuk kanë marrë lëndime serioze.

Jenny Sundström, 19 vjeç dhe Nathalie Lodén, 20 vjeç, të cilët ishin në vendin e ngjarjes, e kanë përshkruar makinën si  të bardhë dhe që po ecte me “shpejtësi të lartë”.

Të tjerët që kanë qenë në vendngjarje thanë se në fillim kanë menduar se ishte vëtëm një aksident, por më pas shoferi ka dalë nga makina duke e mbajtur një kuti me gaz.

Ata kanë shtuar se shoferi më pas ka hapur kutinë me benzinë dhe e ka derdhur në tokë.

Autori i incidentit është kapur menjëherë nga rojat e sigurisë së qendrës tregtare dhe më pas ai është arrestuar nga policia.

Policia ende nuk ka dhënë detaje në lidhje me incidentin./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm