Nënkryetari i Partisë Demokratike të Kosovës, Memli Krasniqi, ka bërë të ditur se koalicioni ndërmjet PDK’së, Aleancës për Ardhmërinë e Kosovës dhe Nismës për Kosovën tashmë e ka siguruar mbështetjen e nevojshme nga ana e deputetëve të Kuvendit të Kosovës për ta formuar qeverinë e re të vendit.
“Koalicioni PAN do ta formojë qeverinë dhe mandatari ynë, Ramush Haradinaj, do të jetë kryeministër”, ka thënë Krasniqi për “Epoka e re”.
Ai ka theksuar se seanca konstituive e Kuvendit mund të mbahet javën e ardhshme dhe, sipas tij, s’do të humbet aspak kohë nga seanca konstituive deri tek seanca për votimin e Qeverisë.
Krasniqi nuk ka dashur të tregojë se cilit subjekt i përkasin deputetët që do ta votojnë qeverinë e PAN’it, por ka thënë se shumë shpejt ata do ta bëjnë publike mbështetjen e tyre për Qeverinë Haradinaj.
Sipas Krasniqit, marrëveshja është arritur me deputetë individualisht, meqë koalicioni PAN s’ka mundur të mbetet peng i inateve të dy partive që kanë refuzuar ftesat e takimit me Haradinajn.
BQK dhe BERZH nënshkruajnë memorandum mirëkuptimi lidhur me ...
Saipi pjesë e formacionit të javës në Ligën e Konferencës
Fituesja iraniane e Nobelit Narges Mohammadi dënohet me gjas...
Veliaj zëvendëson 12 drejtues të Bashkisë së Tiranës, ndrysh...
Vrasja e një polici në Bosnje cilësohet si terrorizëm
PKK merr përgjegjësinë për sulmin terrorist në Turqi