Google ADS

Dënohet me 15 vjet burg për vrasjen e djalit të axhës në Prishtinë

16:28 | 13 Korrik 2017
Arbresh.info

Gjykata Themelore në Prishtinë, e ka dënuar me 15 vjet burgim, Fidan Makollin, për vrasjen e djalit të axhës së tij, Fadil Makolli.
Gjithashtu, Makollit i është shqiptuar edhe dënimi plotësues, me të cilin i konfiskohet pistoleta dhe një karikator i zbrazur, dy gëzhoja, mjete me të cilat është kryer vepra penale, raporton Betimi për Drejtësi.

Fidan Makolli akuzohej se këtë vrasje, e ka kryer më 24 qershor 2016. Ngjarja kishte ndodhur rreth orës 21:30, në Prishtinë, pas një konflikti verbal me të ndjerin Fadil Makolli, i cili ka parkuar automjetin e tij të markës “BMW” afër furrës Sharri.

Fidan Makolli, ka dal nga shtëpia dhe i ka thënë të ndjerit të mos e parkojë veturën aty, ku më pas me qëllim që t’i rrezikojë jetën ka shtënë me pistoletë në drejtim të Fadil Makollit, me ç’rast ky i fundit si pasojë e plagëve të marra, kishte vdekur pas pesë ditëve.

Shpërndaje në rrjete sociale

Lajmet më të lexuara

Të ngjashme

Foto lajm