Google ADS

Intervista e parë e Adnan Januzajt te Real Sociedadi (VIDEO)

22:00 | 12 Korrik 2017
Arbresh Info

Adnan Januzaj tashmë është lojtar i skuadrës spanjolle Real Sociedad.

Skuadra në La Liga ka siguruar transferimin e futbollistit kosovar, të cilin e vlerëson si një “lojtar të talentuar dhe të etur për zhvillim në skuadër”, shkruan portali arbresh.info.

Reprezentuesi i Belgjikës ka thënë para kamerës së ‘Real Sociedad TV’ se është “shumë i ngazëllyer” me transferimin te klubi në La Liga. Ai pretendon se ka arritur në një skuadër që “luan futboll shumë të mirë” dhe mezi pret t’i njoh bashkëlojtarët e rinj dhe të fillojë punën me ta.

22-vjeçari ka nënshkruar kontratë pesë vjeçare që i siguron atij qëndrimin në Real Sociedad deri në vitin 2022 pas largimit nga Manchester United për 8 milionë funta.

Gjiganti në Premierë Ligë ka përfshirë në marrëveshjen për shitjen e Januzajt një klauzolë të riblerjes në rast se 22-vjeçari rikthen formën e shfaqur fillimisht te “Djajtë e Kuq”./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm