Arsenali lë jashtë këtë portier

14:34 | 10 Korrik 2017
Arbresh.info

Arsenali nuk e ka ftuar në para sezon portierin, Wojciech Szczesny, duke dhënë sinjale kështu për një largim të mundshëm nga “Emirates Stadium”.

27 vjeçari, i cili ka kontratë me “Topçinjtë” deri në vitin 2018, sezonin e kaluar ishte i huazuar në Serie A te Roma.

Ai do të rikthehet sërish në Serie A, kësaj radhe te Juventusi. “Zonja e Vjetër” ka shprehur dëshirën që ta blejë krejtësisht kartonin e 27 vjeçarit.

Corriere dello Sport dhe Sun Sport raportojnë se lojtari ka arritur marrëveshje personale me Juven dhe gjithashtu edhe klubet janë afër të bëjnë diçka të tillë, duke parë se Arsene Wenger e ka lënë jashtë skuadrës për turin parasezonal.

Szczesny sezonin e parë do të jetë zëvendësues i Gigi Buffon, i cili do të pensionohet në vitin 2018 dhe më pas pritet të marrë primatin e të parit në portën e Juves.

Shpërndaje në rrjete sociale

Lajmet më të lexuara

Të ngjashme

Foto lajm