Ylli i Real Madridit, Luka Modric ka folur rreth spekulimeve që e lidhin Cristiano Ronaldon me rikthimin në Manchester United këtë verë.

Ronaldo ka shënuar 406 gola brenda 394 paraqitje te Madridi qysh pas largimit nga klubi në Old Trafford në vitin 2009, por raporte të ndryshme pretendonin se sulmuesi mund të rikthehet te klubi anglez para sezonit 2017-18, transmeton portali arbresh.info.

Gjiganti në La Liga beson se mund të bllokojë largimin e sulmuesit brenda muajve të ardhshëm, por bashkëlojtari i tij, Luka Modric, e pranon se gjithçka është e mundur në futboll.

“Nuk e kam dëgjuar asnjëherë Cristianon duke thënë se dëshiron të largohet”, tha mesfushori ish mesfushori i Tottenhamit për gazetën spanjolle ‘Marca‘. “Në futboll gjithçka është e mundur, por mendoj që lidhja e tij dhe raportet ndërmjet Madridit dhe Ronaldos janë shumë të forta dhe ai do të vazhdoj të jetë një lojtar i Real Madridit”

Mësohet që Zinedine Zidane dhe Sergio Ramos kanë folur menjëherë me Ronaldon pas raporteve të para që sulmuesi është i pakënaqur në Madrid.

Ronaldo, i cili u bë golashënuesi më i mirë i Madridit në vitin 2015, është frustruar nga tifozët që e fishkëllyen atë pavarësisht që skuadra ka fituar titullin në La Liga dhe Ligën e Kampionëve./arbresh.info