Google ADS

Mattis: Lëshimi i raketës nuk e rrit rrezikun për luftë mes Amerikës e Koresë së Veriut

23:41 | 6 Korrik 2017
Trina Galanxhi

Ministri amerikan i Mbrojtjes dënoi sot testin historik të një rakete ndërkontinentale të zhvilluar nga Koreja e Veriut, duke e cilësuar si provokim, duke insistuar mbi faktin se SHBA-ja duhet të kërkojë një zgjidhje diplomatike.

“Ne po përballemi aktualisht me këtë përshkallëzim të fuqishëm, këtë provokim, këtë shkelje ndaj rezolutave të Këshillit të Sigurisë të Kombeve të Bashkuara”, komentoi Jim Mattis, duke u shprehur për herë të parë publikisht për testin koreanoverior që u zhvillua të martën.

“Ne qëndrojmë në përpjekie diplomatike duke përfshirë aleatë dhe vende partnere”, vazhdoi ai.

Mattis ka vlerësuar se lëshimi i raketës nga Pheniani s’e rrit rrezikun për luftë mes Amerikës e Koresë së Veriut.

Koreja e Veriut zhvilloi të martën me sukses për herë të parë një test me një raketë balistike ndërkontinentale që mund të arrijë të godasë Alaskë dhe që sipas Phenianit mund të mbajë një mbushje bërthamore.

Shpërndaje në rrjete sociale

Lajmet më të lexuara

Të ngjashme

Foto lajm