Raportuesja e posaçme për Kosovën ne Parlamentin Evropian, Ulrike Lunacek thotë se prioritet i një faze të re të dialogut në mes të Beogradit dhe Prishtinës duhet të jetë zbatimi i marrëveshjeve tashmë të arritura, me qëllim të normalizimit të plotë të marrëdhënieve.
“Ne ende duhet të presim për të parë se çfarë do të jenë rezultatet e dialogut të përtërirë. Prioritet duhet të jetë zbatimi i plotë, nga të dyja palët, i marrëveshjeve të dakorduara të tilla si energjia dhe liria e lëvizjes. Secila palë duhet të kryej punën e vet, dhe jo të presë palën tjetër. BE-ja duhet të vazhdojë të këmbëngulë në implementimin e marrëveshjeve të arritura për të ardhur në një normalizim të plotë të marrëdhënieve ndërmjet Kosovës dhe Serbisë”, ka thënë Lunacek, me rastin e takimit të fundit të Presidentit të Serbisë dhe Kosovës në Bruksel dhe njoftimin për fillimin e një faze të re në dialogun e ndërmjetësuar nga BE-ja, transmeton zeri.info
Lunacek thotë se vazhdimi i dialogut të Brukselit do të jetë i vështirë për shkak të mungesës së besimit reciprok dhe për shkak të mungesës së tanishme të zbatimit për atë që është rënë dakord.
“Shërbimi i Veprimit të Jashtëm Evropian duhet të monitorojë zbatimin e marrëveshjeve të arritura në dialog dhe të raportojë rregullisht për të gjitha palët e interesuara, duke përfshirë Parlamentin Evropian”, thotë Ulrike Lunacek.
Lunacek i bëri thirrje qeverisë së re në Prishtinë, pavarësisht se nga cili koalicion do të formohet, të miratojë një qasje konstruktive dhe të jetë plotësisht e angazhuar në dialog.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...