Nëse Alexandre Lacazette do të jetë një sensacion te Arsenali, gjiganti londinez duhet të falënderoj sigurisht njërin nga lojtarët e tyre më të mëdhenj.

Gjatë një takimi në New York, legjenda e “Topçinjve” Thierry Henry i ka thënë Alexandre Lacazettes të mbledh gjërat e tij te Lyoni dhe të largohet nëse dëshiron të shfaq plotësisht potencialin e tij, transmeton portali arbresh.info.

Lexo edhe: Sonte ndeshja Prishtina – Norrkoping

26-vjeçari u transferua dje te Arsenali për një marrëveshje rreth 52 milionë funta që theu rekord te skuadra në veri të Londrës.

Megjithatë, nëse ai do të shijojë suksesin si Henry te klubi në Emirates atëherë kjo mbetet të shihet. Ai nuk ka qenë pjesë e formacionit zyrtar te skuadra kombëtare e Francës duke shënuar vetëm një herë gjatë 11 paraqitjeve pas dështimit për të siguruar pozitën në skuadrën e Kampionatit Evropian 2016.

Lacazette i dëgjoi këshillat nga Henry kur Lyoni vizitoi Amerikën për turneun para sezonal në vitin 2013.

“Thierry më tronditi mua. Ai ma thënë se duhet të vazhdojë të punojë gjithmonë me vetën, gjë të cilën mund ta harroni kur jeni të ri”, zbuloi Lacazette.

“Kur një lojtar si Thierry flet, ju nuk mund të injoroni atë që ai është duke thënë për ju. E kam kuptuar që të qenurit një lojtar i mrekullueshëm do të thotë të punosh gjatë gjithë kohës. Dikush si ai gjithmonë ka dashur të përmirësohet, edhe me karrierën që ka pasur”

Lexo edhe: Cristiano Ronaldo takim sekret me drejtorin e klubit të madh evropian

Para transferimit te Arsenali, Lacazette shtoi: “Mendoj që është momenti i duhur për tu larguar. Dua të zbuloj diçka që re për të rrezikuar duke shkuar në një nivel më të lartë”

Lacazette ka shpenzuar të gjithë karrierën e tij profesionale te Lyoni, qytetin e tij të lindjes./arbresh.info