Google ADS

Rrëzohet pema, lëndon një 63 vjeçar në Prishtinë

20:57 | 27 Qershor 2017
Arbresh.info

63 vjeçari, Fahri Humolli ka marrë lëndime të rënda kur duke kaluar pranë Parkut të qytetit, një pishë është rrëzuar dhe i ka rënë sipër.
Këtë e ka konfirmuar për Klan Kosovës i biri i Humollit i cili ka treguar se në momentin kur ka ndodhur ngjarja, babai i tij ka qenë i shoqëruar edhe nga familjarë të tjerë, dhe katër nipër e mbesa.

Ai ka thënë poashtu se ishte vetëm punë fati që e njëjta t’i ndodhte edhe fëmijëve të vegjël.

Sipas të birit të Humollit, gjendja shëndetësore e babait të tij është stabile ndonëse ai ka pësuar lëndime trupore, përfshirë edhe disa unaza të shpinës të thyera.

I njëjti ka thënë se nga pronarët e kafiterisë pranë ku ka ndodhur ngjarja ka mësuar se ai ka kërkuar disa herë nga Komuna e Prishtinës që pema që është rrëzuar të largohet por që një gjë e tillë nuk ka ndodhur.

Shpërndaje në rrjete sociale

Lajmet më të lexuara

Të ngjashme

Foto lajm