Siguria e dobët, evakuohen mbi 800 familje në Camden të Londrës

22:08 | 23 Qershor 2017
Trina Galanxhi

Më shumë se 800 familje janë evakuuar nga Camden në veri të Londrës, për shkak të shqetësimeve të sigurisë pas zjarrit në Grenfell Tower.

Këshilli i Camden ka deklaruar se banorët në pesë kullat Chalcots do të zhvendosen për ‘mbikqyrjen e sigurisë nga zjarri’, transmeton portali arbresh.info

Mbulesa që është përdorur në Chalcots është e njejtë më atë që u përdorën në kullën e Grenfellit, ku pas rënies së zjarrit humbën jetën 79 njerëz.

Këshilli i Camden kishte thënë se do të heqë veshjen e jashtme termike nga pesë blloqet e kullës.

Këshilli tha se do të kryejë patrullime të rregullta të sigurisë nga zjarri dhe kontrolle për të siguruar banorët./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm