Kryetari i Partisë Demokratike, Lulzim Basha gjatë një takimi që ka zhvilluar me qytetarë në Fier tha se sot janë bashkuar fierakët për të mbështetur Republikën e Re të punësimit për Fierin dhe të gjithë Shqipërisë.
“Nuk ka forcë më të madhe në botë, se lufta e njerëzve të drejtë për kauzën e drejtë, kjo e ka bashkuar Fierin dhe ky është sekreti i fushatës tonë dhe vula e fitores tonë. Kjo do jetë fitorja e shqiptarëve dhe jo e një grushti njerëzish. Katër vitë kanë kaluar kur Edi Rama premtoi 300 mijë vende punë dhe Fieri nuk pa asnjë vend punë. Shqiptarët e varfër po largohen nga Shqipëria. Kjo, ndodhi se Edi Rama, jo vetëm nuk i mbajti premtimet, por i shkeli ato, sepse ai premtimet i kishte si karem për pushtetin që sot e quan thjeshtë timoni i pushtetit”, tha Basha.
Basha shtoi se në katër vite, timoni i Edi Ramës ishte shkatërrimi i ekonomisë, zero mbështetje për biznesin, qindra biznese të mbyllura në Fier dhe në të gjithë Shqipërinë. “Ai nuk kishte asnjë plan të ndihmonte ekonominë e shqiptarëve. Më 25 qershor, votoni alternativën tuaj sepse së bashku kemi një plan, ekonomi të fortë dhe të nesërme e sigurtë, që bazohet në uljen e taksave”, tha Basha
Policia: Bëni kujdes, ngasja në mjegull është e rrezikshme
Hovenier: Vizita e O’Brien për ta avancuar Kosovën në rrugën...
Ambasadori Hovenier: Biseda të rëndësishme në takimet e O’Br...
“Komunikata e 59’të”, Fadil Geci për Ramë Bujën: Më tha kam ...
Avokati i Thaçit- Gecit: Po i shmangesh pyetjes dhe po i bën...
Gjyqtarët nga Kosova do të ndajnë drejtësi në ndeshjen e Con...