Presidenti Vladimir Putin ka deklaruar se sanksionet e reja amerikane kundër Rusisë, nëse implementohen do të dëmtojnë marrëdhëniet dypalëshe.
“Sigurisht që na duhet të ndreqim disa gjëra, të marrim masa shtesë dhe t’u kushtojmë vëmendjen e duhur disa gjërave të tjera, por kjo nuk do të na çojë në një ngërç”, ka thënë Putin.
I cituar nga agjencia e lajmeve “Tass”, shefi i Kremlinit ka theksuar se, “kjo do të komplikojë më tej marrëdhëniet Rusi-SHBA dhe mendoj se do të jetë shumë e dëmshme”.
Të mërkurën, Senati amerikan miratoi me shumicë votash, 97 pro dhe 2 kundër, një paketë të re sanksionesh kundër Rusisë, që pritet të jetë dhe përgjigjia më e forcë e Shteteve të Bashkuara ndaj ndërhyrjes së supozuar ruse në zgjedhjet presidenciale.
Presidenti rus ka thënë gjithashtu se është ende herët për të folur për masa reaguese nga ana e Moskës. “Më parë duhet të shohim se si e gjithë kjo do të procedojë. Ndaj është e parakohshme të flasim për kundërpërgjigje”, ka thënë Putin.
Po të mërkurën, Kremlini deklaroi se Moska do të përpiqet të shmangë një betejë të re sanksionesh me Perëndimin, edhe pse i sheh negativisht ato të Shteteve të Bashkuara.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...