Sipas drejtorit ekzekutiv të Manchester Cityt, Lionel Messi nuk do të largohet nga Barcelona në një të ardhme të afërt pavarësisht situatës aktuale të kontratës.

Lionel Messi, i cili është duke u përballur me një të ardhme të pa qartë në Nou Camp, ka një kontratë që nuk skadon deri në sezonin e ardhshëm, por 29-vjeçari nuk ka arritur ende marrëveshje të re, transmeton portali arbresh.info.

Drejtori i gjigantit në Premierë Ligë, Ferran Soriano nuk ka dyshime që Messi do të vazhdoj qëndrimin si një lojtar te Barcelona duke hedhur poshtë gjithashtu shanset për transferim në Manchester. I pyetur nga agjencia e lajmeve në Kinë ‘Xinhua’ rreth transferimit të Messit në City, ai u përgjigj: “Jo. Nuk mendoj kështu. E njoh Messin shumë mirë. Ai dhe familja e tij janë shokët e mi”

“Mendoj që ai është i vendosur në Barcelonë dhe ai do të jetë aty për tërë jetën. Sigurisht, mendoj që ai do të përfundoj karrierën e tij në Barcelonë”

Messi është kërkuar që një kohë të gjatë për transferim te klubi në Etihad, por interesimi ka qenë më i theksuar që nga koha kur gjiganti u bë njëri nga klubet më të pasura në botë./arbresh.info