Shtatëdhjetë mijë persona të papunë kanë dorëzuar biografi në dy karvan panairet e mbajtura për punësim, të cilat deri tani i organizon Agjencia për Punësim në më shumë qytete në Maqedoni.

Sot me Panairin për punësim në Shkup përfundon karvani i tretë me radhë, në të cilin morën pjesë 50-të firma të cilët para personave të papunë të interesuar nga rajoni i Shkupit e prezantojnë veprimtarinë e tyre dhe vendet e lira të punës. Panairin zyrtarisht e hapën drejtoresha e Agjencisë për Punësim të Shkupit Sllobodanka Aleksova dhe zëvendësdrejtori i Agjencisë për Punësim, Arben Ziberi.

“Në vitet e fundit punuam shumë dhe në vazhdimësi ndërmorëm aktivitete të ndryshme të cilat kanë një qëllim – hapjen e vendeve të reja të punës. Rezultati nga mundi i dhënë është evident dhe më mirë është pasqyruar përmes shkallës së papunësisë në RM, e cila në vazhdimësi në 10-të vitet e fundit ulet dhe në pajtim me të dhënat e Entit Shtetëror për Statistikë për momentin është më e ulëta dhe arrin 22,9 për qind “, tha Aleksova.

Sipas saj, ulja e papunësisë tregon efektet pozitive nga realizimi i politikave për punësim orientuar drejt hapjes së vendeve të reja të punës, krijimin e vendeve të punës nga ana e investuesve të huaj dhe kompanitë vendore, si dhe bashkëpunimin e rritur mes kompanive të huaja dhe vendore. Panairet për punësim që i organizon Agjencia për Punësim janë një nga masa të cilat në vazhdimësi realizohen me qëllim të lidhjes së ofertës dhe kërkesës së fuqisë punëtore.

Zëvendësdrejtori Ziberi tha se theks i posaçëm vendoset në rritjen e mundësive për punësim të personave të rinj dhe lehtësimin e kalimit të tyre nga arsimi deri në punësim. Ky cikël i panaireve për punësim filloi para një muaji në Shkup dhe i përfshiu Tetovën, Shtipin, Kavadarin, Manastirin dhe Strumicën.