Ish-Komisioneri Evropian për Mjedisin, Janez Potočnikin, dhe ish-Ministri për Çështje Evropiane të Sllovenisë vlerëson se vendet e Bashkimit Evropian duhet të kenë të qartë përapektivën e Ballkanit Perëndimor në BE.
“Dhe ta mbështesin atë me hapa konkretë praktikë që aktualisht nuk janë të mjaftueshme. Nuk ka asgjë si Status Quo. Duke mos patur politikë të qartë dhe aktive nuk do të thotë që pas një kohe të caktuar mund të ktheheni në probleme dhe të filloni t’i zgjidhni ato pa pasoja,” është shprehur Potočnik, në një intervistë për EËB.
Ai thotë se përkundër faktit se axhenda e zgjerimit të BE-së është gjithnjë e më e paqartë në aspektin e kohës, fuqia transformuese e BE-së ende ekziston dhe ka një tërheqje të madhe për rajonin, transmeton arbresh.info.
“Përvojat e fundit tregojnë qartë se kjo varet nga konsideratat më të gjera strategjike, politike dhe ekonomike.”
Politika e zgjerimit të BE-së sipas tij, ka qenë një nga politikat më të suksesshme dhe me ndikim të BE, duke shtuar se “ribashkimi i Evropës ende nuk është përfunduar”.
Mbështetja politike, teknike dhe financiare thotë se duhet të vazhdojë për rajonin.
Por, vlerëson se vendet në rajon do të bënin më së shumti për perspektivën e tyre evropiane nëse do ta tregonin qartë se duke qenë pjesë e problemit ata duan të bëhen pjesë e zgjidhjes./arbresh.info/
KE-ja s’ua jep hisen e miliardave Kosovës e Serbisë pa zbati...
Aksident i dyfishtë në Tiranë, disa të lënduar
Nga sulmi izraelit mbi Bejrut, vriten 12 persona
Elvis Rexhbeçaj në formacionin startues të Augsburgut ndaj M...
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit