Zëdhënësi i Presidencës së Turqisë, Ibrahim Kalin, tha se Arabia Saudite duhet dhe mund të zgjidhë krizën aktuale mes disa shteteve arabe dhe Katarit, raporton Anadolu Agency (AA).
Kalin në një konferencë për shtyp komentoi krizën aktuale në Gjirin Persik, konkretisht bllokadën diplomatike ndaj Katarit nga Arabia Saudite, Emiratet e Bashkuara Arabe (EBA), Bahreini, Egjipti dhe disa vende të tjera.
“Unë dua të them këtu se Arabia Saudite luan një rol veçanërisht të rëndësishëm. Në cilësinë e një aktori të arsyeshëm dhe të fortë në rajon, ajo është në gjendje të zgjidhë krizën aktuale”, tha Kalin.
Duke komentuar situatën në Irak, Kalin tha se është një ide e keqe dhe e rrezikshme referendumi për pavarësinë e qeverisë rajonale kurde në veri të Irakut.
“Për këtë çështje, ne jemi në kontakt dhe po bisedojmë me zyrtarët e administratës kurde dhe zyrtarët në Bagdad. Qëllimi ynë parësor është që përmes negociatave të hiqet dorë nga këto gabime”, tha Kalin, duke shtuar se Turqia do të vazhdojë këto negociata, por që nuk ka ndërmend të ngutet për të zbatuar sanksione dhe të bllokojë kufirin verior të Irakut.
Agjenti i Salah ofron shërbimet e egjiptianit te gjiganti ev...
Zv/kryeprokurori i Pejës Ersan Qavolli dhe familja e tij mer...
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...