Google ADS

Policia konfirmon për gjashtë të vdekur, pritet të rritet numri

12:32 | 14 Qershor 2017
arbresh.info

Gjashtë vetë kanë vdekur nga zjarri në Grenfell Tower, ka bërë të ditur komandanti i Policisë Metropolitane, Stuart Cundy.

BBC raporton se numri i të vdekurve mund të rritet.

Një zjarr masiv ka përfshirë ndërtesën 27-katëshe në Londër në orët e hershme të mëngjesit.

Më shumë se 50 persona janë duke u trajtuar në spitalet e rajonit.

Një numër i konsiderueshëm njerëzish nuk janë gjetur ende. Blloku i pallateve përmban 120 apartamente.

Më shumë se 250 zjarrfikës janë në vendngjarje dhe ka pasur më shumë se 100 mjekë të pranishëm, si dhe 100 oficerë policie.

I pari i Londrës, Sadiq Khan, paralajmëroi se do të ketë shumë pyetje gjatë ditëve të ardhshme për shkakun e kësaj tragjedie dhe ka siguruar londinezët se do të marrin të gjitha përgjigjet.

“Dëshiroj të falënderoj zjarrfikësit dhe shërbimet e jashtëzakonshme për guximin, përkushtimin dhe profesionalizmin e tyre të jashtëzakonshëm,” është shprehur Khan./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm