Pse vezët nga Shqipëria po shiten më lirë në Kosovë

20:04 | 13 Qershor 2017
Arbresh.info

Një pako vezësh e importuar nga Shqipëria kushton 1 euro e 50 cent, ndërsa në Shqipëri çmimi i vezëve është edhe njëherë më i lartë, që arrin shumën mbi 3 euro.
Çmimi kaq i ulët i shitjes së vezëve në Kosovë përbën shqetësim për Shoqatën e Shpendtarëve të Kosovës.

Sipas kryetarit Agim Sahiti, ky çmim tregon edhe cilësinë që mund ta kenë vezët e importuara nga Shqipëria, andaj Agjencia e Ushqimit dhe Veterinarisë duhet t’ia bëjë analizat e domosdoshme secilës vezë, raporton KTV.

Por, zëdhënësi i Agjencisë së Ushqimit dhe Veterinarisë, Lamir Thaçi, ka thënë se çmimin nuk e përcakton Agjencia, ndërsa janë bërë të gjitha analizat e duhura.

Shoqata e Shpendtarve është shprehur se do të kërkojë takim edhe me zyrtarë të Ministrisë së Tregtisë, pasi që ndonëse marrëveshja për tregti të lirë e ndalon dampingun, në rastin e vezëve nga Shqipëria kjo po ndodh. Damping nënkupton shitjen e prodhimeve jashtë vendit me çmime më të ulëta se sa në tregun vendor.

Shpërndaje në rrjete sociale

Lajmet më të lexuara

Të ngjashme

Foto lajm