Motoçikleta lëviz me shpejtësi të madhe në autostradë, por pa shofer

00:54 | 13 Qershor 2017
Trina Galanxhi

Një moment paksa i pazakontë është filmuar, ku shihet një motoçikletë duke lëvizur në autostradë – por pa shofer.

Një pasagjer që ishte brenda një veture, ka filmuar momentin bizar kur motoçikleta lëviz me shpejtësi të madhe nëpër një autostradë në Francë, transmeton Telegrafi.

Në fillim të videos, shihet motoçikleta e zezë duke lëvizur pa shofer, por në disa momente ajo përplaset paksa me mbrojtëset e hekurta.

I frikësuar dhe i hutuar nga ajo që po filmonte, autori i videos i kërkon mikut që ishte pranë timonit që të rrit shpejtësinë, pasi i dukej si një skenë nga filmat horror.

Por ekspertë të shumtë të kësaj fushe pretendojnë se në motoçikletë ishte edhe shofer, i cili më herët ishte rrëzuar por kishte arritur të kacavirret në pjesën anësore, ku kamera nuk e kishte filmuar atë.

Ndërkaq, eksperti parisien Jean-Pierre Goy, beson se motoçikleta mund të lëviz pa shofer deri në 600 metra nëse është duke lëvizur me shpejtësi të madhe.

Shpërndaje në rrjete sociale

Lajmet më të lexuara

Të ngjashme

Foto lajm