Kritiku i Putinit arrestohet para protestës në Moskë

13:04 | 12 Qershor 2017
Arbresh.info

Lideri i opozitës Alexei Navalny është arrestuar në shtëpinë e tij para protestës së paralajmëruar në Moskë.

“Aleksei është arrestuar në hyrje të bllokut të apartamentit”, ka thënë bashkëshortja e tij Yuliya Navalny, duke shtuar “planet tona kanë ndryshuar”, transmeton portali arbresh.info.

Navalny ka bërë thirrje tek mbështetësit për protesta kundër korrupsionit në tërë Rusinë.

Ka pasur disa arrestime nëpër protesta në lindje të vendit.

Të paktën 10 vetë u arrestuan në një miting në qytetin e Vladivostok, ndërsa katër vetë u arrestuan në Blagoveshchensk dhe të paktën një tjetër në Kazan.

Navalny pritej të merrte pjesë në protestën që do të mbahet sot në Moskë. Atij më parë i ishte dhënë leje për të zhvilluar një tubim në Akselin e Sakharovës, por ndryshoi vendndodhjen në prag të demonstratës në Rrugën Tverskaya, pranë Kremlinit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm