Policia, në bashkëpunim me Prokurorinë e Krimeve të Rënda, ka arrestuar ekzekutorin e dyshuar të ish-komisarit të Policisë, Artan Cuku, ngjarje kjo e ndodhur në prill të këtij viti, në hyrjen e pallatit ku banonte i ndjeri.
Emrin e atentatorit dhe provat e mbledhura ndaj tij i ka bërë publike vet drejtori i Përgjithshëm i Policisë së Shtetit.
“Autori i dyshuar i vrasjes së ish-oficerit të policisë është Mikel Edmond Shallari, i vitlindjes 1993, lindur në Kuçovë dhe banues në “Qytetin Studenti” të Tiranës. Roli i Mikel Shallarit është ekzekutor në këtë ngjarje. Dyshohet se ka edhe persona të tjerë bashkëpunëtorë, të shpallur në kërkim, roli i të cilëve do të përcaktohet më vonë”, tha Haki Çako, drejtori i Përgjithshëm i Policisë së Shtetit.
Por, edhe pse janë të bindur mbi autorësinë e kësaj ngjarjeje, ende nuk ka të dhëna mbi motivet apo porositësit e këtij krimi. Prokurori i çështjes ka dhënë këtë përgjigje:
“Nuk i dimë ende motivet. Dimë që këmbëzën e ka shkrehur Shallari, por nëse është ky edhe ideatori, këtë nuk mund ta themi për momentin”, tha Henrik Ligori, prokuror i çështjes.
Sipas prokurorit, Shallari, i cili dyshohet si vrasës me pagesë, nuk e ka pranuar përfshirjen në këtë ngjarje, edhe pse Prokuroria i ka ofruar bashkëpunim dhe lehtësira për të treguar porositësit.
Nga hetimet dyshohet se Shallari nuk ka qenë i vetëm në këtë krim dhe hetimet po vijojnë me gjetjen dhe ndalimin e bashkëpunëtorëve të tjerë.
Pas arrestimit të Mikel Shallarit ka reaguar edhe ministri i Brendshëm, Dritan Demiraj, i cili ka përgëzuar forcat e policisë dhe bashkëpunimin me Prokurorinë.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...