Google ADS

Bllokada në Katar, e pësojnë edhe pelegrinët që planifikuan të vizitonin Mekën

01:41 | 11 Qershor 2017
Trina Galanxhi

Autoritet sauditë kanë penguar një shtetas të Katarit që të hyjë në Xhaminë e Madhe në Mekë, duke shënuar një përshkallëzim  edhe më të madh të krizës diplomatike.

Gazeta Al Sharq njoftoi të shtunën se Komisioni Kombëtar i të Drejtave të Njeriut i Katarit (NHRC) pranoi një ankesë nga një qytetar i Katarit që pelegrinët e Katarit nuk ishin të lejuar të hyjnë në xhaminë el-Haram në Mekë, transmeton portali arbresh.info

Ali bin Smaikh al-Marri, kreu i NHRC, e quajti incidentin e raportuar një shkelje flagrante të së drejtës për të praktikuar ritet fetare siç lejohet nga konventat e të drejtave të njeriut.

Arabia Saudite, Bahreini, Emiratet e Bashkuara Arabe dhe Egjipti ndërprenë marrëdhëniet diplomatike dhe transportin me Katarin të hënën, duke e akuzuar atë për mbështetjen e “ekstremizmit”.

Megjithatë, Katari ka mohuar të gjitha akuzat.

Një akuzë e tillë së fundmi është bërë edhe nga  Presidenti i SHBA-ve, Donald Trump, i cili e quajti Katarin ‘financuesin më të madh të terrorizmit’./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm