Luka Modric vërtetoi klasin e tij pas një tjetër performance të shkëlqyer në finalen e UEFA Ligës së Kampionëve mbrëmjen e së shtunës.
Pas fitores 4 me 1 të Real Madridit ndaj Juventusit, mesfushori kroat ka zbuluar se si skuadra e tij çbllokoi mbrojtjen më të mirë në botë që Juventusi posedon, transmeton portali arbresh.info.
Madric, i cili ishte intervistuar nga ‘HTV dhe Sportske Novosti’ menjëherë pas finales, ka shpjeguar se si Real Madridi ishte në gjendje të tejkaloj mbrojtjen më të mirë në botën e futbollit.
“Mbrojtja e Juventusit është e mrekullueshme kur bëhet fjalë për krosime, por jo edhe në pasimet e ulëta. Kjo është ajo se në çfarë ne kemi punuar dhe se si shënuam tri golat tona në finale. Urime trajnerit për këtë detaj, i cili ishte çelësi i finales”, zbuloi Modric.
Duke pasur në mendje që Lionel Messi, Luis Suarez dhe Neymar nuk kanë arritur të gjejnë një mënyrë për të tejkaluar mbrojtjen e Juventusit brenda 180 minutave në ndeshjet çerekfinale, zbulimi i strategjisë nga Modric duket një mënyrë më e lehtë seç është menduar.
Sidoqoftë, kush mund ta ndal tani skuadrën e Zinedine Zidanes? A mund të fitojnë për të tretën herë Ligën e Kampionëve?
Këtë mund ta shprehni në pjesën e komenteve më poshtë ose në Facebook./arbresh.info
https://www.instagram.com/p/BU-HCaalvl1/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite