Kombëtarja shqiptare është mposhtur në ndeshjen miqësore ndaj Luksemburgut.
Shqipëria ka pësuar disfatë 2 me 1 në ndeshjen miqësore të zhvilluar mbrëmjen e së dielës ndaj Luksemburgut, shkruan portali arbresh.info.
Kuqezinjtë zhbllokuan rezultatin në minutën e 51′ të ndeshjes në ‘Stade Josy Barthe’ të Luksemburgut përmes mesfushorit Odise Roshi, i cili shënoi një gol të bukur nga zona e penaltisë duke kaluar në epërsi për 1 me 0.
Odise Roshi, i cili bartë fanellën e skuadrës ruse Terek Grozny, dërgoi Shqipërinë në epërsi pas asistimit nga mbrojtësi i Napolit, Elseid Hysaj.
Megjithatë, nikoqirët e këtij takimi të nivelit miqësor u përgjigjën pas vetëm dhjetë minutave përmes David Turpel që barazoi shifrat për 1 me 1. Luksemburgu arriti të siguroj fitoren e dytë ndaj Shqipërisë me golin nga Kevin Malget në minutën e 74′.
Ndryshe, ky ishte takimi i gjashtë ndërmjet dy skuadrave kombëtare, katër fitore për Shqipërinë dhe dy për Luksemburgun.
Ndeshja e ardhshme e kombëtares sonë zhvillohet javën e ardhshme kundër Izraelit në kuadër të kualifikuese në Kampionatin Botëror Rusia 2018./arbresh.info
Mblidhen sot gjashtë komisione parlamentare
Mbahet sot seanca fillestare për sulmin terrorist në Banjskë
Moti sot i vranët me riga shiu e shkarkime rrufesh
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...