Izraeli është “nxitësi kryesor” i vuajtjes humanitare palestineze, sipas një raporti të OKB-së që përmendi okupimin e Bregut Perëndimor dhe bllokadën e Gazës.

Raporti i “Jetëve të fragmentuara”, të botuar të mërkurën nga Zyra e OKB-së për Koordinimin e Çështjeve Humanitare (OCHA), tha se okupimi i Izraelit “mohon palestinezët të kontrollojnë aspektet themelore të jetës së përditshme, pavarësisht nëse jetojnë në Rripin e Gazës apo në Bregun Perëndimor, duke përfshirë edhe Jerusalemin Lindor “.

Raporti thotë se liria e lëvizjes pa pengesave brenda vendit të tyre, zhvillimi i terrorit, ndërtimet në tokën, shfrytëzimi i burimeve natyrore për të zhvilluar ekonominë, në masë të madhe përcaktohet kryesisht nga ushtria izraelite.

Duke iu referuar “okupimit të zgjatur” që nis në vitet ’50, raporto thotë se një metodë e tillë “kultivon ndjenjën e mungesës së shpresës dhe frustrimit që nxit konflikte të vazhdueshme dhe ndikon tek palestinezët dhe izraelitët”.

“Okupimi i Izraelit është nxitësi kryesor i gjendjes humanitare”, thuhet në raport.

Raporti gjithashtu thotë se numri i palestinezëve të zhvendosur me forcë nga shtëpitë e tyre arriti një rekord të lartë vitin e kaluar, duke arritur në 1,601 njerëz, përfshirë 759 fëmijë.

OKB thotë se në vitin 2016, në Bregun Perëndimor janë shkatërruar 1.094 ndërtesa, 300 prej të cilëve ishin ndërtuar nga donatorët e ndihmave humanitare për palestinezët e pambrojtur.

Raporti thotë se janë dokumentuar 572 “kufizime mbi lëvizjen palestineze” në vitin 2016, si dhe 110 pengesa të tjera të vendosura mbi banorët arabë në qytetin e Hebronit.