Kandidatja për deputete nga Lidhja Demokratike të Kosovës, Njomza Emini ka publikuar fotografi nga takimi me simpatizantë.

Emini gjatë këtij takimi ka thënë se është nder të jesh vajzë e Kodrës së Trimave. Ajo ka thënë se është privilegj që të jetë zëri si deputete në Kuvend dhe kryetare e komisionit për integrime evropiane, për të përkrahur personat me aftësi të vecanta.

Postimi i plote:

KODRA E TRIMAVE”

Shumë të çmuar qytetarë të Kodrës së Trimave,  Të dashur miq, familjarë, kolegë, shokë, shoqe, fqinjë e dashamirë,  Të nderuar përkrahës të Lidhjes Demokratike të Kosovës,  Ju rini e fisme e -Lagjes sonë-

Ishte dhe mbetet nder i pamatë të qenurit qytetare e vajzë e Kodres së Trimave! Për më tepër, është përgjegjësi dhe krenari të jem edhe Përfaqësuese e Lagjes që Prishtinës i ka dhënë prej kohësh shembullin e qytetarisë aktive; të përkushtuar për të mirën e përbashkët & jetën komunitare.

Ka qenë privilegji im të jem ZËRI JUAJ si Deputete në Parlamentin e Kosovës; të jem Kryetare e Komisionit për Integrime Europiane dhe të mos rresht së përkrahuri gratë shqiptare, të rinjtë e Kosovës, personat me aftësi të veçanta si dhe çdo qytetar tjetër, i cili për mua gëzon të drejtën absolute dhe të padiskutueshme të të jetuarit me dinjitet!

Dje, ju bashkëqytetarë të veçantë, në tubimin e mbajtur tek “Kodra” jonë, na dhatë forcë dhe vullnet për sfidën që po na pret, me përkrahjen tuaj të pakursyer!

Besimi juaj është amaneti im dhe i LDK-së!

Rruga jonë është e gjatë dhe me sfida, por unë do mbetëm besnike në përcjelljën e Zërit Tuaj në institucionet më të larta të Republikës së Kosovës!

Si dje ashtu dhe sot, jam krenare për Degën e mrekullueshme të LDK-së “Kodra e Trimave”;

Jam me fat që ju të respektuar qytetarë të Kodrës së Trimave i besoni Partisë dhe Përfaqësuesve tuaj!

Bashkë në çdo fitore,  Bashkë të Vendosur Sinqerisht,