Sipas një studimi të “Columbia University”, secili ka një mesatare prej 13 sekretesh në “dollap”. Rezultati? Niveli i lartë i stresit dhe plakje e lëkurës.
Koncepti i fshehtësisë na kujton një ndërveprim të dyfishtë: një person që fsheh një sekret nga një tjetër gjatë një bisede ose bashkëveprimi shoqëror. Puna e tanishme, megjithatë, tregon se ky aspekt i sekretit, është mjaft i rrallë. Duke marrë një pamje më të gjerë të fshehtësisë, si qëllim për të fshehur informacionin, i cili vetëm nganjëherë kërkon fshehjen, i jep një psikologji të re sekretit.

Ne demonstrojmë që njerëzit kapin veten në mënyrë spontane duke menduar për sekretet e tyre – ata enden me mendje – shumë më shpesh se sa hasin situata sociale që kërkojnë fshehje aktive të atyre sekreteve. Për më tepër, pavarësisht nga frekuenca e fshehjes, frekuenca e mendjes që endet në sekrete, parashikon një mirëqenie më të ulët.

Pasojat e sekreteve

Thuajse 95% e jona ruan disa sekrete në vetvete: janë mesatarisht 13 për secilin, pesë nga të cilat vërtet të parrëfyeshme, për të cilat nuk kemi folur asnjëherë me asnjë më parë. Por ky zakon mund të jetë i dëmshëm për shëndetin: ai rrit nivelet e kortizolit, hormoni i stresit, i cili mund të shkaktojë probleme të zorrëve dhe metabolizmit, tension të lartë, plakjen e lëkurës dhe sistem imunitar të dobët. Në krye të renditjes, janë fantazitë seksuale apo romantike ndaj një personi që nuk është partneri ynë.

Renditja e sekreteve

Kjo konfirmohet edhe nga një studim i “Columbia University” në Nju Jork, i publikuar në revistën “Journal of Personality and Social Psychology”, e cila ka marrë në ekzaminim 10 studime të ndryshme, duke u thelluar në rastet më të përhapura.  Përveç flirtimit dhe tradhtisë (së vërtetë apo të lakmuar), në renditjen e sekreteve më të frekuentuara, figurojnë çështje financiare apo familjare, ambicie, konsideratë të ulët për vetveten dhe ndonjë shkallë më lart, kryerja e një aborti.  Megjithatë, studiuesit tregojnë se shmangja e këtyre sekreteve, mund të bëhet duke biseduar me një mik, mikeshë, njeri të afërt dhe të besuar, sepse nëse mbahen vetëm për vete, duke i eksploruar në mendje, rrezikon të shkaktojë pasoja të rënda shëndetësore.