Google ADS

Kërquki: Fushatë e qetë në krahasim me fushatat e kaluara

22:56 | 31 Maj 2017
Arbresh.info

 Gazetari Leonard Kërquki ka thënë se kjo është një fushatë prej më të qetave që ka kaluar Kosova.

“Shumica e kandidatëve janë fokusuar tek imazhi në atë se çfarë bëjnë, si duken. LDK dhe VV kanë nisur fushatat e tyre në bastionet e tyre. LDK në Podujevë ndërsa VV në Anamoravë”, ka thënë ai në Devat D Plus.

Ai ka thënë se PDK-AAK-NISMA hapën tubimin në qendër si të ishin në ring boksi.

“Koalicioni PDK-AAK-Nisma në tubimin në shesh është sikurse bksioerët në Ring kur ata thërrasin kundërshtarët. Ata kanë zbarkuar në qendër të Prishtinës për t’iu treguar se ata janë koalicioni më i madh dhe favoriti në zgjedhje”, tha ai.

Sipas tij imazhi që kanë përçuar më së shumti vërehet tek Albin Kurti.

“Ai ka vënë kollare për të iu treguar njerëzve që është më formal dhe mund të jetë kryeministër, ndërsa Veseli e Haradinaj po dalin më shumë pa to për tiu treguar njerëzve se janë sikurse ata”, ka thënë ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm