Anëtarësimi i Kosovës në NATO mund të jetë shumë më i gjatë se sa është rasti i Maqedonisë.

Kështu vlerëson Ján Cingel, hulumtues në Programin Evropian të Fqinjësisë në Institutin e Politikave GLOBSEC në Sllovaki, duke përmendur telashet e dyja shteteve.

“Duket se në Maqedoni ka një krizë të vazhdueshme për më shumë se dy vjet e gjysmë. Vendi ka nevojë për stabilitet dhe duhet të gjejë një rrugë përpara drejt qëllimeve të ndryshme edhe në çështjet e brendshme, si ekonomia, drejtësia, kohezioni i brendshëm i dy komuniteteve, çështjet sociale,” thotë Cingel në një intervistë për EWB.

Në fushën e politikës së jashtme jo vetëm integrimin në NATO por edhe pranimin në BE dhe gjetja e zgjidhjes së çështjes së emrit me Greqinë në radhë të parë, sipas tij janë sfidat e ardhshme të këtij vendi, transmeton arbresh.info.

“Shpresoj që kriza politike në Maqedoni të zgjidhet sa më parë. Ka një shpresë për këtë me formimin e qeverisë së re këto ditë dhe me VMRO-DPMNE-në duke u bërë një kundërshtim konstruktiv.”

Ai vlerëson se rasti i Kosovës, është pak më i komplikuar, sepse disa nga vendet që janë anëtare të BE dhe NATO nuk po e njohin pavarësinë e saj, përfshirë Sllovakinë, transmeton arbresh.info.

“Prandaj anëtarësimi në NATO mund të jetë shumë më i gjatë se sa është rasti i Maqedonisë. Para së gjithash, duhet të përfundohet e ashtuquajtura procesi i normalizimit të marrëdhënieve midis Beogradit dhe Prishtinës, duke kuptuar se kjo është kushti i të gjithë atyre që nuk janë njohës.”

Sapo Beogradi dhe Prishtina të bien dakord mbi formulën e marrëdhënieve, Cingel thotë se atëherë këto vende mund të vendosin nëse do ta njohin status quo-në dhe do ta njohin Kosovën.

“Ne do të presim dhe do të shohim se si do të përparojnë bisedimet e Beogradit dhe Prishtinës, të dyja palët kanë shumë në rrezik atje dhe nevojitet një kompromis,” thekson ai./arbresh.info/