Sot pasi kanë artikuluar akuza shumë të forta kundër kreut democrat Jozefina Topalli dhe Arben Imami, dy nga ish bashkëpuntorët e ngushtë Berishës, nuk e kanë pranuar se janë konsultuar me të për kërkesën për largimin e Lulzim Bashës. “Berisha i di të gjitha mendimet e mia prej kohësh” u mjaftua të thotë Jozefina kur u pyet për këtë temë. Me një “JO” të prerë e të thatë u përgjigj Imami.

Në fakt, heqja nga listat e deputetëve e të gjithë njerëzve që Berisha ka mbajtur më pranë ka shkaktuar një tërmet të fortë në PD. Edi Rama vazhdon e tallet nëpër Shqipëri duke thënë në fushatë se doktori mbeti si “fandi spathi sepse ia vranë të gjithë shokët”.

Këtë enigmë e shton edhe më shumë vetë heshtja misterioze e liderit historic të PD-së. Ai që nuk le temë pa folur e komentuar, ka heshtur gjatë që pas shpalljes së listave të deputetëve, shkruan lapsi.al

Dhe kjo ka bërë që dyshimet dhe hipotezat të gëlojnë pa fund.

Të parët thonë se Berisha ka dorën e tij të hekurt në këto lista. Se është ai që ka dashur që përmes metodës që njeh më mirë, asaj të eleminimeve, t’I hapë përfundimisht Bashës rrugën e marrjes së partisë. Ai është i bindur se PD-ja do ti humbësa zgjedhjet dhe po i eleminon që tani ata që do hapin probleme pas 25 qershorit. Obsioni i dytë që që mbron kjo kategori është se berisha ka dhënë OK për të skartuar ata që mund ti dilnin kundër një koalicioni të ardhshëm me Ramën. Pra një koalicioni si ky i tanishmi kur njerëz të afërt me familjen berisha u ngjitën në qeveri.

Nga ana tjetër janë ata që mendojnë se Berisha nuk është dakord me listat që ka hartuar Basha. Ata pretendojnë se sado e mërzitur që të qe Topalli nuk do rreagonte kurrë me këtë ashpërsi, pa i shkelur një sy doktori. Mërzinë e Berishës ata e përkthejnë edhe tek disa rreagime kundër listave nga njerëz të tij të afërt, si psh Gjergj Lezhja apo Edit Harxhi. Ata dhe ndonjë gazetar pranë PD-së nuk do ta godisnin kurrë Bashën sikur mos qenë të sigurtë se kjo gjë do ti pëlqente berishës, thonë ata.

Pra pyetja mbetet: Më kë renditet doktori? Me ish bashkëpuntorët që kërkojnë largimin e Bashës, apo me atë që 4 vite më parë e zgjodhi si pasardhës???

Kjo dilemë do të vazhdojë deri në momentin që ai do të thyej heshtjen?