Javën e kaluar, Moska u vizitua nga Presidenti maqedonas, Gjorge Ivanov dhe një koment i bërë Presidenti rus, Vladimir Putin nuk u prit mirë në Bullgari.
“Alfabeti (cirilik) dhe literatura sllave erdhi tek ne nga toka maqedonase”, i tha Putin Ivanovit gjatë takimit mes tyre.
Si përgjigjje, Ivanov përkujtoi veprën e vëllezërve Cyril (Kirili) dhe Methodius (Metodi), themeluesit e alfabetit glagolitik, që shërbeu si bazë për alfabetin cirilik.
Por në ditën që Ivanov mbërriti në Moskë, në Bullgari festohej Dita e Alfabetit Sllav.
“Më habit fakti që presidenti i vendit më të madh sllav nuk njeh historinë. Rusia, që flet për sllavët dhe ortodoksizmin, nuk njeh historinë”, deklaroi për mediat vendase ministri bullgar i Mbrojtjes, Krasimir Karakachanov.
Vetë kryeministri bullgar, Bojko Borisov u tregua më i përmbajtur.
“Ne duhet të falenderojmë vëllezërit e shenjtë Cyril dhe Methodiues që sot afërsisht 300 milionë njerëz lexojnë dhe shkruajnë në cirilike, që pasuron kulturën europiane”, tha ai.
Ndërkohë, ish-ambasadori bullgar në Moskë, Ilian Vassilev thotë se Putin po përdor si kukulla të tij Serbinë dhe Maqedoninë për të bërë presion ndaj Bullgarisë.
Ndaj kësaj deklarate kanë reaguar edhe shumë politikanë dhe diplomatë vendas, që e kanë quajtur deklaratën e Putin një provokim ndaj Bullgarisë.
Lansohet projekti GENESIS, mbështetur nga Ministria për Evro...
Skandali i Shërbimeve Postare Diplomatike, reagojnë nga MPJD
Osmani takohet me Hovenier, flasin për zhvillimet e fundit n...
Kurti takohet me Guerotin, temë diskutimi ishte bashkërendim...
Shqipëri, shtohen problemet e shëndetit mendor tek të rinjtë
Emery thotë se me Aston Villa synon të fitojë trofe