Sonte në kinemanë “ABC” në Prishtinë, jepet premiera e filmit dokumentar “Zëri i këngëve lapidare” që i dedikohet “Mjeshtrit të Madh” të muzikës, Arif Vladit, i autorit Ilir Shaqiri, gazetarit Besart Galica, si dhe regjisorit Blerdi Malushi.
Filmidokumentar “Zëri i këngëve lapidare” është prodhim i RTK-së, i cili ngërthen në vete krijimtarinë artistike të artistit Arif Vladi, që nga vendlindja e tij në Lurë, Peshkopi e deri në Tiranë. Në këtë dokumentar 52 minutësh, kanë folur bashkëpunëtorët e Arif Vladit ndër vite që nga kënga e tij e parë e deri tek këto të fundit. Theks të veçantë këtij filmi dokumentar, I jep babai i Arif Vladit, Demir Vladi, i cili edhe pse në moshë të shtyer 98 vjeç, tregon historinë se si e përkrahu të birin, që t’i këndoj Kosovës, pasi sipas tij, kosovarët janë trima e patriot të shquar. Në dokumentar paraqiten edhe figura të tjera të njohura të botës së artit e të cilët ngrisin lartë figurën artistike të Arif Vladit, si një njeri i vlerave dhe një nga kontribuesit e motivimit të djemve të ri kosovarë për t’iu bashkangjitur luftës së shenjtë të shqiptarëve, UÇK-së.
Filmi dokumentar transmetohet sonte me fillim nga ora 20, në kinemanë “ABC” në Prishtinë, si dhe do të jepet drejtpërdrejt në RTK1.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...