Veseli: Mos t’ju mbetët hatri që jemi bërë bashkë, ishim bashkë edhe në luftë

18:06 | 26 Maj 2017
M. A.

Kadri Veseli e ka prezantuar në Prishtinë konceptin e quajtur “Fillimi i Ri”. Kryetari i Partisë Demokratike të Kosovës ka thënë se me 12 qershor do të jetë festa e madhe e Fillimit të Ri.

“E kam parë se dikujt i ka mbet hatri pse jemi bërë bashkë në koalicionin fitues. Por ne gjithmonë kemi qenë bashkë. Kemi qenë bashkë në 1998, 1999, kemi qenë bashkë në luftë. Së bashku me Ramush Haradinajn kryeministër jemi bërë bashkë për Kosovën perëndimore, për qytetarët e Kosovës. Dita e fitores do të jetë e madhe për Kosovën. Do të fillojmë fuqishëm me partnerin e koalicionit për shpresën e kosovarëve. Kosovën nuk mund të udhëheqin dikush që nuk e njeh flamurin, himnin, Kosovën si shtet. Kosovën nuk mund ta udhëheqë dikush që nuk guxon të marrë vendime” ka thënë Kadri Veseli

Shpërndaje në rrjete sociale

Lajmet më të lexuara

Të ngjashme

Foto lajm