Veseli: ‘Fillimi i Ri’ do të jetë edhe më pranë familjeve të dëshmorëve dhe veteranëve

16:20 | 26 Maj 2017
Arbresh.info

Kryetari i Partisë Demokratike të Kosovës, Kadri Veseli ka marr pjesë në ceremoninë e shpërndarjes së 90 banesave që janë ndërtuar nga Komuna e Prizrenit për familjet e dëshmorëve, invalidëve, veteranëve të UÇK-së dhe rastet sociale.

Kreu i PDK-së i ka uruar qytetarët për banesat e reja, ndërsa i ka siguruar se ndërtimi i banesave për të gjitha rastet në nevojë do të vazhdojë edhe në të ardhmen.

Ai tha se platforma qeverisëse ‘Fillimi i Ri’ do të jetë gjithmonë pranë familjeve të dëshmorëve, invalidëve dhe veteranëve të luftës që dhanë gjithçka për lirinë e Kosovës, derisa shtoi se edhe për familjet në asistencë sociale e që nuk kanë banim, do të bëjnë zgjidhje të shpejtë që mos të vazhdojnë edhe më tutje të jetojnë në ambiente jo dinjitoze.

Përfaqësuesit e familjeve të dëshmorëve, invalidëve dhe veteranëve në Prizren e falënderuan liderin e PDK-së për përkrahje dhe ndihmën e vazhdueshme që u ka bërë kategorive të dala nga lufta.

Shpërndaje në rrjete sociale

Lajmet më të lexuara

Të ngjashme

Foto lajm