Në Institutin Albanologjik të Prishtinës u mbajt takimi me familjarët e dëshmorëve të kombit, dhe u shpërndanë certifikata dëshmorëve të kombit, të cilët kanë rënë në fushën e nderit për lirinë dhe pavarësinë e Kosovës para luftës çlirimtare të Kosovës, por që deri më tani kjo kategori nuk janë njohur si dëshmorë të kombit, për shkak të neglizhencës së institucioneve të Kosovës.
Në takimin e përbashkët, përveç familjarëve të disa komunave të Republikës së Kosovës, morën pjesë edhe përfaqësues të organizatave të dala nga lufta e fundit UÇK-së.
Kryetari i Shoqatës së Familjeve të Dëshmorëve, Xhavit Jashari, tha me këtë rast se falë dëshmorëve të rënë nga viti 1981 është bërë realitet çlirimi dhe pavarësia e Kosovës. Sipas tij, falë sakrificës së tyre është themeluar edhe Ushtria Çlirimtare e Kosovës.
Andaj, Jashari tha se për këtë edhe po i nderojnë dhe respektojnë me certifikata të dëshmorit, edhe pse është simbolike krahasuar me mundin dhe sakrificën e tyre.
Certifikata të dëshmorit të kombit iu ndanë: Afrim Zhitisë, Asllan Pirevës, Hazir Krasniqit, Hafiz Arifit, Murat Mehmetit, Naser Hajrizit, Shukri Kelanit, Xhelal Maliqit, Fahri Fazliut, Ali Ajetit, Bedri Sokol etj.
Certifikatat i janë ndarë rreth 50 të rënëve në periudhën e para luftës së fundit nga tërë Kosova
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...